لا يفوتكم المرور عندنا !!!!!!

[Naif]

صراحة شي يرفع يضحك:


http://up3.w6w.net/upload/22-02-2006/w6w_20060222022138e6e81d52.jpg

هذي الرخصة صادرة من مرور تبوك.. من ضمن شروط استخراج رخصة الدراجة النارية في تبوك ان تكون لابس بالصورة خوذة و جاكيت وقلفزات.. :eek:

شباب انا ما امزح معكم هذا الموضوع حاصل بالفعل بس قمنا بتغطية اسم الشخص و عنوانة منعاً للأحراج..
أتوقع ان مافية الا واحد في تبوك مطلع رخصة وكل الشلة تسوق بصورة من رخصة صديقهم :) :D

اتمنى اعرف لية يتخذو هذا الأجراء وإيش الحكمة من هذا القرار.. مشاركاتكم يا شباب وتفسيراتكم حتى نتوصل لحل لهذة الظاهرة..
(اذا فية احد مو مصدق يتصل على مرور تبوك ويسألهم عن طريقة استخراج رخصة دراجة نارية ويتأكد)

[يوسف صالح الحصيني]

شئ يرفع الضغط بجد . . . السؤال . . الى متى ؟ ! !

[WESAM]

مشكور اخوي نايف على الموضوع

ذكرتني بسالفة واحد من الشباب مسكوه الشرطه ويسأله عن الدباب يقول له ايش هذا رد عليه قال له كابرس

والعسكري مصدق يقول له ايش موديله قال 86

المشكله مافي توعبه عند المرور كفايه

[Mazen]

يا أخوان الصورة منطقية :D .... مو هو دباب وإلي يسوقه لازم لابس خوذة ;)

[waleed.bike]

اعذرني اخوي نايف بس الصورة مركبة على الرخصة

[TORPEDO]

ازيدكم ممن الشعر بيت من المواقف اللي صارت علينا في جده

1 - في نقطة تفتيش على طريق الملك بجده شرطي مرور مسك واحد من الشباب من اصحاب الدراجات الريس وقال له والله ماسيبك حتى توريني الازرار اللي يخلي الدباب يمشي على كفر

2 - في نقطة تفتيش ثانية شرطي مرور يسالني بعد ما فحص الرخصة والاستمارة والتامين يقول لي وين اللوحة الامامية حقت الدباب

3 - واحد من الاخوان مسافر برحال من جده للرياض بعد الظهر مادري الا وشرطي في وسط الخط يوقفه ويساله عن الاوراق وبعد مالقي كل شي سليم يسال خوينا ويقول له بالله كيف تتكلم مع خويك على الدباب ( قصده كيف يتكلم الرديف مع السايق )

ازيدكم بيت اخير شباب نازلين من الهدى ومتجهين لمكه شرطي نقطة التفتيش رفض ينزلهم مع خط الجبل وباصرار لما سالوه طيب ويش الحل شوفو ويش قلهم العسكري ( ارجعو واعكسو الخط وانا اعمل نفسي مش شايفكم ) وسوها الشباب

[المدمر]

ترا ياكابتن نايف التزوير قضيته مره شينة

[Naif]

يا وليد ويا المدمر.. افا عليكم بس تراني ما اكذب وانتم تعرفوني.. هذا واحد من الشباب عندة معرض في جدة وجاتة هذي الرخصة عشان يبغى يسوي مبايعة قام وصورها وغطى اسم الرجال وعنوانة وارسلها لي وسائط.. وقال لي ضروري تنزلها في منتداكم عشان الناس تشوف النظام.. والي مو مصدق يتصل على 905 ويطلب رقم مرور تبوك ويتأكد.. بعدين من فين راح اجيب صورة واحد مصور 4 في 6 ولابس هلمت و جاكيت يا أذكياء..
احس انك يا المدمر من تبوك وتبغى تدافع عن جماعتك.. :D

[ملهم]

هههههههههههههههههها الله يرجك يا Torpedoالصراحة الكلام إلي قلته يموت من الضحك

[Gmr Al Riyadh]

صراحة مدينة تبوك تفوقت على مدينة الرياض من ناحية الأمن والسلامة

لهذي الدرجة السستم عندهم قوي ،،، ما لهم حق بتأخير تطبيق النظام هنا في الرياض وباقي مدن المملكة



وحدة ما صدقت عشان تطلع لها رخصة
سؤال: ينفع يا شباب اطق اللثمة والبس الهلمت ولا من شاف ولا من دري !؟

[BIG BOSS]

اعضاء المنتدى :

هذا الموضوع مع انه يحزني ، و ما حد ينكر انه ممكن يكون صحيح ، بس الموضوع حساس و ماهي هذي الطريقة اللي المفروض يطرح بها ، يعني اذا كان بعض من افراد الأمن لم يساعدهم الزمن و الحظ ، و لم يوفقهم الله جل و علا بتعليم او خبرة و افية ، و بدرت منهم تصرفات خاطئة ، و البشر كلهم عرضة للخطأ ، مايعني هذا ان نفقد الأمل و نبدأ بالتهجم بهذي الطريق، و احنا من اهدافنا في سعودي بايكرز تعريف المجتمع اللي افراد الامن جزء منه بالدبابات و نحاول نقلل المشاكل و المغالطات اللي تقع من جانبنا او جانبهم ، و بالتالي المفروض اننا نقدم هذا الموضوع بطريقة النقد البناء و ليس المهزلة و الاستهتار من بعض افراد الامن و تصرفاتهم، يجب علينا نبين الاخطاء بالأدلة و نطلب التعاون ، ولكن بهذي الطريقة انتم تدفعون الامن الى التضييق علينا و زايدة الخناق على اصحاب الدراجات ، وبعدين لا يجوز ان نعم الخطأ على جهاز حكومي او حتى شركة خاصة بسبب ممارسات افراد ، و بغض النظر عن الاراء المبنية على احداث خاصة معدودة ، لابد عدم التجاهل عن انجازات المرور الاخرى ، يا شباب مع وجود نسبة كبيرة من الشعب غير العالمين بأنظمة المرور و السلامة ، وضع المرور في المملكة ممتاز نسبيا ، يا أخوان شوفو طريقة قيادة اغلبية الناس للسيارات تعرفوا مع من يتعامل المرور، و مع هذا المستوى اللي احنا فيه في البلد بالنسبة الى سائقين السيارات لابأس به ، و علينا ان ندعم افراد المرور و نحاول ان نوصل لهم اراآؤنا بطريقة النصح و ليس الشتم .

ارجو ان نلتزم حدود الادب ولا نتطاول على احد لسببين ، اولهم اننا لن نصل لنتيجة بهذه الطريقة ، اذا الموضوع مجرد اراء و افكار شخصية لايعود بفائدة و هذا ليس موقعه في منتياتنا التي من المفترض ان تعمل لتنوير العامة و تثقيفهم عن هذه الرياضة، و ثانيا اننا ليس لنا الحق في انتقاد جهاز حكومي في المنتدى و هذه ضد قوانين المننتدى و الادارة لاتوافق هذه النظرة للمرور.

انا آسف ان لم يعجب رأيي المشاركين لكنني مجبر على حذف الكلمات و المشاركات غير المناسبة، وارجو ان اكون قد نبهت بعضكم الى الخطأ الذي وقعوا فيه.

المشرف العام