وقفة تحية و تقدير و شكر للشباب

[Camel-KSA]

السلام عليكم جميعاً
اثناء طلعة يوم الخميس الموافق 27/12/2007 و بعد فطورنا اللي كان مميز في مطعم يا مال الشام و حنا طالعين من شارع الضباب رحنا يمين عشان ننزل علي خريص، صار قدامنا حادث سيارات شنيع، و على طول وقفنا و نزلنا من الدبابات عشان نشوف وش ممكن نساعد فيه و كنا اول الواصلين طبعا قبل رجال الامن و الاسعاف.

صراحة !!!ً انا كنت متفاجئ جداً بردة فعل الشباب .....
خلال ثواني ما لقيت الا المصاب خارج سيارته و مسدوح على الرصيف و تم الكشف عليه و على نوعيه اصابته ....

ما صرت اشوف الا التلفونات قامت تدقدق على الاسعاف ...

شوي !! ما اشوف الا السياره اللي كانت منتصفه الطريق و كانت مسكره حاره و نص من الشارع مسحوبه بشكل يدوي الى جانب الطريق لفسح المجال للسيارات المتواجده في طريق خريص.

دقائق الا المرور جاء ،و انا كنت اشوف نظره فخر من قبل رجل المرور لنا .. اللي خلته المسكين ما يعرف يعبر عن شعوره و كان مستغرب استغراب شديد .

٥ دقائق و جت سياره الاسعاف اللي استلموا تقرير ممتاز عن حاله و نوعيه الاصابات اللي كانت في سائق السياره .

انا صراحةً كنت مذهول و كلي فخر بالشباب اللي تعاملوا مع الموقف بكل احترافيه ...
كنت اشوف نظره شكر من قائد السياره المصاب و حاله السكون و الطمأنيينه اللي صار فيها بعد ما اسعفوه و هدوه الشباب بعد حالة الذعر و الخوف اللي كان فيها اول ما طلع من السياره ...

صحيح ما جنا كلمه شكر من رجال الامن و لا من رجال الاسعاف ...
بس هذا ما يمنعني ان اوقف الحين و اقول :

مجاهد : شكراً .... كنت رجل الموقف و لولا الله ثم انت لا كان الوضع اختلف معنا .
ابوبكر : شكراً .... هدوئك و رزانتك كانت في مكانها و كانت على الموعد و الاحترافيه العاليه في التعامل مع رجال الامن .
خالد ابوسمره : شكراً .... على فكره سحب السياره من نص الشارع الى الرصيف و توسيع الشارع و كان ادائك اكثر من رائع .
الشكر موصول لكل الشباب الباقيين

و ما اقول الا يا سعودي بايكرز كنتم 10 على 10

[عمر التميمي]

و طبعاً حبيبي حمد , انت لك الشكر على كتابة الموضوع لنا و موقفك وقت الحادث ..

بصراحه انا ما حضرت و لكن سمعت و هذا الموقف موهب غريب على شباب سعودي بايكرز ..


ما قصرتوا والله يعطيكم الف عافيه يا حلوين ..

[مشعل القويعي]

ماشاء الله عليكم يا شباب ..

والله يحفظكم من كل مكروه .

[محمد السعدي]

والله يا حمد انت مستغرب بس انا مني مستغرب لأنه احنا سعودي بايكرز ..
هذا روح الفريق حقنا بجانب انه جميع اعضاء الفريق تشترك مع بعضها بميزه مشتركه وهي
حسن التربيه (عيال حمايل) وحسن الخلق.

بأختصار احسنتو يا شباب..

[مقرن العبدالدائم]

عوايدكم يا سعودي بايكرز


أبطال ورجال مواقف


الله يجعلها في ميزان حسناتكم

[روح التهور !!..]

أنا هنا أنبهر بكل صدق أنبهر

دائما أقول:- لهؤلاء الرجال مواقف مع المرضى

مع اليتاما .. مع بعضهم البعض

لكن هذا الموقف يدل على روح الفريق الذي يطغى على كل شيء أخر

حب الغير و مساعدهم .. يعطيكم ألف ألف ألف ألف ألف عافيه

و هذا من طبعكم و عوايدكم

((( كلنا فخر بكم كلنااااااااااااا )))

يخليكم ربي و لا يفرقكم ..

أشكر كاتب الموضوع و أعطيك أحلى تحيه

[رامي الزواوي]

هذا ما اعتدناه منكم يا شباب

يعطيكم العافية ان شاء الله

[Baker]

اشكر اخوي حمد على كلامه اللطيف بحقنا جميعا
احب ان انوه اننا ولله الحمد اخذنا تدريبات الاسعافات الاولية ليس لخدمتنا نحن فقط ولكن لكل من يحتاج الى اسعافات في مثل هذا الموقف وفي نفس الاسبوع حصل انني واخوي مشعل القويعي والاخ خالد ابو سمرة حصل امامنا حادث في شارع العليا وقمنا بنفس الطريقة المساعدة لسائق في حالة نزيف وصدمة والحمدلله اسعفناه .
اخواني اتمنى فعلا من الكل اخذ هاذي الدورات قد لاتستخدمها لمدة سنة واكثر لكن على الاقل لو حصل انك احتجتها تعرف ماذا تفعل
اشكرك مرة اخرى يا حمد واشكر كل من شارك في ذلك اليوم والحمدلله على نعمة الاخوة بيننا والله يجزاكم خير في كل من قال كلمة عرفان لنا وتحياتي

[خالد أبوسمرة]

مشكورر حمد على كلامك الرائع بجد انت قمت معنا بالواجب واكثر

[nobody]

ما قصرتوا يا شباب وبيض الله وجيهكم

[ahmad1000]

الله يعطيكم العافيه يارب وانا ما ني مستغرب بصراحه من الي صار لاني عندي علم بان الشباب رجال مواقف وينشد فيهم الظهر

الله يجزاكم خير يارب

[yazhan]

طبعا مدري وش اقولكم في هذه اللحظه لان كل الكلمات الي في الدينا تعجز عن وصف روح الفريق المتعاون والمحب للخير وهذا مو غريب عليكم ياسعودي بايكرز دوم رافعين روسنا بالعالي يلموني فيكم ياسعودي بايكرز دايم نلقاكم في ميادين الخير رجال ويد وحده الله يحفظكم من كل شر يارب وعذروني لو خاني التعبير بس من جد مدري وش اقول في حقكم غير انكم ابطاااال بمعنى الكلمة بيضتوا وجيهنا ورفعتوا روسنا والله يجعلها في موازين حسناتكم ولم احد يقول سعودي بايكرز يقول سعودي بايكرز الخير يعطيكم العافية ماقصرتوا واشكرك اخوي حمد لطرحك الموضوع

يعني أني أكون فوق العالم كله

عند تذكري أني عضوة في منتدى سعودي بايكرز.خيتكم يزن

[N-DIRECT]

:fine::fine::fine::fine::fine:
تستاهلون التحية

الله واكبر عليكم يا شباب

بصراحة بصراحة بصراحة
انا ماكنت معاكم ولكن
كلي فخر واعتزاز وامتنان في حضن هذا الفريق العريق

الله لا يوريكم مكروه

مجاهد حبيب البي
ابو بكر ياكبير انت
ابو خلود يا شيخ الازاعرة

الله يجزاكم الف الف الف خير على هالمجهود المبذول

ولا هانوا البقيه يا مال العافية

تحياتي

[طلال الدغيمان]

والله و نعم فيكم و الف نعم يا سعودي بايكرز
الله يبض وجيهكم......

[TURKI]

يعطيكم العافية ان شاء الله والنعم فيكم رجال الله يجعلها في ميزان حسناتكم والشكر لك ياحمد لكتابة الموضوع

[roree]

والله ونعم فيهم وبكل اعضاء سعودي بايكرز
يعطيك العافيه اخوي على طرحك للموضوع
ويعطيكم العــــــــــــــــــافيه اخواني على الوقفه هاذي تستاهلو احلى تحية والله
والله لايحرمكم الاجر يـــارب
تحياتي لكم
:)

[السنيورة]

هذي يبيلهااااا .. اوقف واضرب تحية لاعضاء سعودي بايكرز ..
مو غريب عليكم هذا الي عودتونا عليه ..
يعطيكم العافيه يارب ..

[mojrem911]

الله يوفقكم والى الامام
تعودنا من شباب سعودي بايكرز كذا والى الامام
يارب ولكم تحياتي

[أفتخر فيكم]

أفتخر فيكم :rolleyes:

من جد أفتخر فيكم عساكم على القوه ياااارب والله يكثر من أمثالكم :rolleyes::)

[real biker]

حبيبي يا حمد... ربي يخليك يا قلبي ع طرحك للموضوع وكلامك الحلو بصراحه انت عديت اسمائنا ونسيت تتكلم عن نفسك :)

حمد انت اللي يعطيك الف عافيه لانك اول واحد اتصل ع الاسعاف.. ويعطيك الف عافيه لانك انت اللي كنت تحرك السير قبل ما يحركو الشباب السياره عن الخط وربي اتصرفت تصرف شدني كثير وكان تصرفك رائع مع اصحاب السيارات اللي للاسف كانو يوقفو ويحاول يشوفو ايش اللي صاير وبكل همجيه وما همهم زحمة الخط اللي وراهم :(


يا شباب يا عالم احنا ما سوينا شي نستاهل اننا نشكر عليه.. كل اللي سويناه واجبنا وشي مفروض علينا اننا نسويه...

اخر كلامي اقول يعطيكم العافيه يا شباب ودايم وجهكم ابيض :)

[N-DIRECT]

ياحبيلك يا مجاهد والله ياحبيلك متواضع يا نااااااااااااااااااااس متوااااااضع

[نايف العسيري]

لله يجزاكم كل خير يا ابطال الصراحه هذا مو شي غريب منكم
لان هذي عوايدكم

[ميمي الجميله]

ماشاء الله عليكم ...
الله يديم هذا الترابط والمحبه بينكم...

[" The lion "]

يعطيك العافيه ياحمد عالموضوع الرائع ,, والشكر موصول للشباب كلهم وهذي مو غريبه عليكم ياشباب مااقول الا الله يجزاكم الف خير

مجاهد بيضت وجهنا بيض الله وجهك ..

[real biker]

تسلم يا نايف على كلامك الذوق يا ذوق انت..

وارجع واقول اللي سويناه واجب علينا مو عشان ننشكر عليه يعني التواضع ماله دخل في الموضوع :)

ميمي ونايف<< اسمحولي نيابة عن اخوي حمد كاتب الموضوع اني اشكركم على مروركم وتسلمو على كلامكم الذوق :)

محمد << وجهك ابيض يا كابتن وتسلم على مرورك

[حمني]

نحييكم ياشباب على أنسانيتكم
وربي يحفظكم إنشاء الله وماهي غريبة عليكم
مشكور حمد على نقل الحدث
:):):)

[طراد معوض]

اولا يعطيكم الف عافيه ياشباب بيضتو الوجه وهذى عوايدكم
يعطيك العافيه اخوى حمد على نقلك الخبر
الى صار موب مستغرب او شى جديد على اعضاء سعودى بايكرز
ياما صار وياما وقفنا لحوادث و من جد اثبتت الدورات الى اخذناها فعاليتها واهميتها
اتمنى من جميع اعضاء النادى واصدقاءه وحتى زوار المنتديات انهم ياخذو دورات الاسعافات الاوليه باسرع وقت ممكن قبل ان يجى الوقت والواحد يقول يالينتى كنت اعرف كان انقذت روح او انقذت مصاب ان يجيه شلل لاسمح الله او يفقد عضو من اعضائه بسبب الجهل او عدم المعرفه بطريقه التعامل مع الحوادث.
واتمنى من رجال الامن والمسؤلين فى جميع القطاعات الى ممكن نتواجه معهم فى ميادين العمل ان تتغير الصوره السلبيه عندهم عن الدراجين وقائدى الدراجات الناريه. للاسف مازالت النظره نظره استخفاف وان الدراجين راعين مشاكل عالم عاطله ماوراها شغله ولا مشغله او بالعربى عاله على المجتمع.

[The Bullet]

ابطال يا سعودي بايكرز ومو غريب عليكم

الله يعطيك العافيه ويجزاكم الف خير