خبر في جريدة الرياض 6 محرم 1427هـ

[دحيمه]

سلام عليكم ورحمة الله وبركاته
خبر في جريدة الرياض حلو بس مادري عن رأي الاخوان لأنه اي واحد ها الأيام صار يحلم يسوق دراجة يصحى من النوم يروح الحراج يصقع له دباب 400 موديل 16 ويشغل العالم في انفسهم

المرور يلزم مالكي الدراجات بالحصول على رخصة قيادة

الرياض - واس:
اكدت الادارة العامة للمرور على وجوب الالتزام بالقواعد النظامية والتعليمات الخاصة بقيادة الدراجات النارية واستخدامها كوسيلة نقل. وأوضحت الادارة أنه وبناءً على ما لوحظ في الآونة الاخيرة من انتشار استخدام الدراجات النارية كوسيلة للتنقل رغم مخالفتها للنظام سواء من حيث عدم نظامية استيراد تلك الدراجات أو مخالفة قائديها للتعليمات التي يجب الالتزام بها عند قيادتها لما تشكله من خطر على السلامة العامة سواء لقائدي تلك الدراجات أو مستخدمي الطريق فإنها تؤكد على مايلي..
- ضرورة سرعة تسجيل الدراجات النارية لدى ادارات المرور لاستخراج رخص السير واللوحات الخاصة بها.

- ضرورة حصول مالكي تلك الدراجات على رخصة السير اللازمة التي لا يجيز النظام قيادتها الا بتلك الرخصة.

- ضرورة التزام مالكي هذه الدراجات بتعليمات وقواعد السير الواردة في نظام المرور بما فيها ارتداء الخوذة أثناء القيادة.

- أن قرار مجلس الوزراء رقم 129 وتايخ 2/9/1411ه أكد في مضمونه على ماجاء في الامر السامي رقم 7/672/م وتاريخ 7/3 /1404ه القاضي بمنع استيراد الدراجات والسيارات النارية ذات العجلتين والثلاث والاربع عجلات والمخصصة لاستخدام الأطفال والتي لايتجاوز ارتفاعها عن محور عجلاتها (50) سم. واهاب الأمن العام (الادارة العامة للمرور) بمالكي ومستخدمي الدراجات النارية التقيد بالتعليمات المنظمة لذلك..مبينا أنه سوف يتم تطبيق النظام بحق المخالفين لذلك.

[Camel-KSA]

ya leeeeeeeeeeeeeeT wallah ..... 3ashan yefokona mn al galag o mn shar al Banshy o al 400 cc,,,

[Naif]

دحيمة هذا شكلة عبدالرحمن المقبل مدير المرور ومدلع نفسة دحيمة
ماشاء الله من اول مشاركة خبر قوي كذا

[gogoo69]

والله موضوع حلو والله يعطيك العافيه
احنا في الخبر ياريت مخلفه كان اهون حجز وحب خشوم اذا بدون هلمت بس

[حمني]

مشكورين ياشباب على المرور والنتف الي جاني حلو حلوه عبدالرحمن المقبل:D انا الي قاهرني :mad: حقين الدبابات ال 400 الريس مو البانشيات ودي اصدمهم دباباتهم تمشي شوي وتطفى ومشغلينا بالهدرزات تدعيس وماعندك احد وإذا قلت له خلاص درينا عندك دباب رد عليك عاد تطلع الهجة وانتم عارفين هم 2 يايطلع 0000 أو يطلع 0000 إذا تبون تعرفون وش يطلعون شوفو لي حل في دحيمة متعطل الحساب ومعيي يدخل لين سويت حساب جديد بأسم حمني

[Mazen]

خلك على حمني تراه أطلق وأنا أخوك :)

[حمني]

الله يسلمك انا عارف ان دحيمة بايخ بس قلت بسجل اتفرج على المتدى وامشي مشاني بطني إنشاء الله:d بس شفت الزين والناس الطيبه:) :) :) خقيت وقلت خلاص ابقعد هنا وانا مبتدى في الدرجات ودراجتي بتطلع من الوكاله الأسبوع الجا ي إنشاء الله

[waleed.bike]

ليش ماعاجبك 400

[حمني]

فهتني غلط يامشرفنا العزيز انا الغلطان وحقك علي لأني ماوضحت في قصدي ب ال 400 :)اسمي بايخ اعتذر عن ازعاج المنتدى واسف اذا اخذت من وقتكم وأسلم على حسن عدة الي دعاني لزيارة مكتبكم في العلياء وأتمنى لكم دوام النجاح والتوفيق:)

[ميشو]

حمني لا تزعل بس ارجع كمل تمثيلك مع ابو رايش يكون احسن ؟
ترى عادي حنا كذا مزحنا ثقيل ؟ بس راح تتعود ان شاء الله !
ويعطيكم العافيه يا كبااااتن على التقطيع ؟ ايوه كذا والا بلاش !
ميشووووووووووو الشريررررررررر ....

[حمني]

الله يجبر بخاطر يا ميشو:) :) :) جتني الصيحة :confused: إلا شوي ماتوقعت المشرف على المنتدى:cool: يكرشني:mad: ارتعت:eek: A thank you he is issued from you more our dear supervisor

[Camel-KSA]

looooooooooooooooooooooool ...la7oool walaa gowat ela belaaah mn awalhaaa ketha ya Waleed ?

[حمني]

مشكور اخوي Camel-KSA:) وليد كن معصب شوي بس معه حق دحيمة بايخ حتى حمني بس وش اسوي ودي اني كاتب سراد 1000 بس خفت احد حاطه قبلي وانا فرحان:) :) بمرور وليد :cool: على موضوعي انا ارسلت كذا رساله علىwebmaster@saudibikers.com وماتم الرد

[teenr]

مشكوور يا مدير المرور مسوى تتفقد احوال الرعيه ههههههههههههههههههه


مشكور على النقل

[حمني]

مشكور اخوي teenr لابس كنت أتفقد احوال الجو (حسن كراني) تترارت تتا:D

[dos]

مشكور علي الموضوع , بس ما تشوفون انه فيه احتكار تجاري يعني بالغصب نشتر من عندهم و ما نستورد
والا نمارس هوايتنا طيب ما يبون نستورد لا وحدنا دراجه والا2 بالكثير علي قد لحافك مد رجلك (اعزكم الله )
طيب ليه ما يحطمون الأسعار والا بس الفتيحي اللي فلقينه فيه برمضان :)

علي العموم غايتهم خنق هذه الهواية وتطويق الخناق , لكن هيهات هيهات سيرو سيرو وفقكم الله

علي 4 عجلات او 3 عجلات (قديم ) او علي عجلتين واذا ماهوب عاجبهم لا تمشي الا علي عجل (دقها توييل علي طول )
واذا وقفك عطه ستوب , والسموحة علي الأطاله :)

[حمني]

مشكور أخوي dos استخراج الرخصه حاطين شروط عشان يعقدون الناس ومايفكرون بالدراجات يحاولون مثل ماقلت تقليل الدراجات وتحطيم هذه الهوايه وممارستها بالشكل السليم :)

[ToO cRaZy]

اخ حمني ياخوي انا معي 400 ريس وش فيها ..........

[حمني]

ToO cRaZy ألي فيها أنك بطل ال 400 يمكن عشانه منتشر بين المبتدئين أكثر الفئات إزعاج للناس تلقاهم وسط الأحياء وعدم التقيد بالنظام لقلة الوعي وعدم التوجيه الصحيح أو الحماس الزائد وأغلب هذه الدراجات لاتحمل أوراق رسميه تثبت ملكيتها وأيضا مخالفت السائق للنضام بعدم حمل رخصة وهذا هو صلب موضوع ال400 وأنتبه لنفسك زين وأنت تسوق وتقيد بتعليمات المرور والسلامه للمحافظه على سلامتك وسلامت الأخرين تحياتي :)