والله فشيلة

[مشعل القويعي]

اليوم جلست مع كذا واحد هنا في البنك حضر مسابقة ريدبول ( تحدي الهرم ) وقاعد أسمع منهم المهازل اللي صارت ذاك اليوم منها ترجيم متسابق قطري على سيارة جيب وانكسرت قزازتة الأمامية وكل شوي واحد يقطع على رجليه التراك الرئيسي للسباق مسوي فيها خفيف دم وراعي وناسة . وبعضهم يرجمون بعض بالصواريخ والطراطيع والألعاب النارية وبعضهم كسر الشبك عشان يدخل سيارته قريب .. وغيره وغيره أنا صراحة وجعني بطني لما سمعت عن هالمهزلة اللي صارت .والله عيب عليكم ...........

طبعا حسب ما قالولي ان السباق تم ايقافه بسبب هالفوضى ولم يكتمل .

تكفون اللي عنده كلام غير هذا يصحح لي الصورة أو يعطيني وجهة نظره .


حسبنا الله ونعم الوكيل في هالعالم اللي ما راح تتطور وتعتقد انهم خفاف دم بهالتصرف .

[أبوحمد]

لا مشعل وازيدك من الشعر بيت سرقوا العام كراتين ريدبول وكسرو البوفيات الي هناك وشباب ينطون على الدبابات يعني مررررررره فشله

[BigFoot]

انت لا جيتني اليووم بأخلي أخووي يشرحلك إللي صار بالتفصيل الممل

[طراد معوض]

للاسف يا مشعل الكلام هذا صحيح
فيه ناس عندك للاسف يبيلهم حرق ببنزين وحتى البنزين الى تحرقهم فيه خساره فيهم بعد

[ذيبة قطر]

وي وي وي وي
شنو هاااااااااااااااااااي وين قاعدين في امريكا احنا
الحين احنا نعييب على الغرب على الفوضى اللي يسونها ونقول الحمد لله على نعمة العقل
والحين احنا نصير نفسهم
والله عيب ...اذا حسبو ان فيها مرجله والا شهره ترى غلطانين الا فيها مسخره وتدني روس...

بس شنقول وشنخلي..

حسبنا الله ونعم الوكيل عليهم...

مشكور اخوي واظن مافي شي اسمه تصحيح نظره عقب كل اللي سمعته هم ناس عارفين الصح من الغلط
والمفروض مايسوون هالشي...

عموماً الله يهدي الجميع ان شا الله..

بإنتظار كل المواضيع الشيقه منك يالغالي
اختك بنت الذيب

[ahmad1000]

لاحول ولا قوه الابالله :help:

الى هالدرجه احنا وصلنا من التحلف waaaaa

والله ان كلام صحيح شي يعور القلب ويرجعنا الى نقطه البدايه :ups:

الى يهديهم يارب وانا احس انه هالحركات هاذي من غير شعور او عدم مبالاه من ناس محددوين التفكير:sorry:

على العمووم نشوووف الاخ سامي عده وهي راح يقووول لنا القصه بالتفصيل الممل:motz:

[طايرتن بوهتي]

من جد الله يفشلهم مثل ما فشلونا..

[looliy]

NO COMMENT
هذا الي اقدر اقوله

[مشعل القويعي]

انا توني جاي من عند زيارة للأخ bigfoot مع الكابتن baker و madensaudi و احمد وعلي العريفي والفنان steel

وجائنا الكابتن سامي عدة بتصوير كامل عن الفضيحة اللي صارت والله أكثر مما تصورت .. العالم صارت ترجم كل السيارات والدبابات ويتزحلقون في التراك واثنين مصرين يركبون مع الجيب المتسايق ..

حسبنا الله ونعم الوكيل فيهم ..

[Naif]

انا كنت موجود هناك اش اقول اش احكي يا شباب

هذي مشكلة الشعب الأيطالي اذا حضر مناسبة.. ودك تحطهم في محمية مايطلعون منها..

:( والله فشلونا كان فيه ناس من الأمارات وقطر والكويت :(

والغلط غلط ريد بول عاملين دعاية مكلفة مليون واربعمائة الف.. في كل مكان وعند كل اشارة اعلان صار اللي يسوى واللي ما يسوى حاضر.. المفروض عاملين الدعاية على مستوى المنتديات والمجلات الرياضية فقط.. يصير مايجي البطولة الا الناس المهتمة والهاوية لهذي الرياضة فقط
السنة الماضية كان التنظيم افضل مليون مرة عن هذي السنة

ما اقول غير آآآآآخر الأحزان انشاء الله.. لأنة بالفعل كان حزن..

[علي العريفي]

الغلط على المنسقين للمهرجان
مش غلط الحضووور كلنا عرفين انه مناسبات مثل هذي بيكون فيها
شغب غرييييييييييبwaaaaa :ups: :ups: :ups: :ups: :ups:

[VALENTINO_ROSSI_77]

هههههههههههههههههههههههههههه مشعل بطنك وجعك من الاخبار دى
انا من يوم ما شفتك وانت بطنك وجعاك هههههههههههههههههههههههههه

حبيت اسلم عليك يا غالى

واقولك الله يهديهم

[ahmad1000]

فشل سباق تحدي الهرم بالرياض
اللهم لا تؤاخذنا بما فعل السفهاء منا
أعزائي أعضاء مجموعة نواف بيك البريدية
جميع شباب الرياض والمنطقة الشرقية وبعض من شباب دول الخليج
كانوا على موعد مع السباق الكبير برعاية ريد بول في الرياض بتاريخ 3/11/1427 هـ
ولكن للأسف لم نتوقع ما حدث من أعمال شغب حدثت في الثمامة مقر السباق

والي نتج عنه إغلاق الطرق من كل الجهات وخلافه من تبعات للموضوع
من تخريب لهذا الحدث الهام بس نقول حسبي الله ونعم الوكيل يبقى التخلف موجود في كل الأمم

هنا نعرض لكم صور التخريب الي حصل في بطولة تحدي الهرم

اضغط على الصورة لمشاهدتها بالحجم الطبيعي
تواجد أحد الجمهور وسط المتسابقين :

http://www.4nw.net/efi4500/trki/RED/rudbull1.jpg (http://groups.yahoo.com/group/Nawaf_Beek)

عروض بهلوانيه خطيرة مشاء الله ( فريق برنجي رقم 2 ) :

http://www.4nw.net/efi4500/trki/RED/rudbull2.jpg

صورة لتجمع الجماهير أمام سيارة الكابتن / احمد الكواري أثناء توقفها :

http://www.4nw.net/efi4500/trki/RED/rudbull3.jpg (http://groups.yahoo.com/group/Nawaf_Beek)

صورتين تبين الضرر الذي حصل لمرهم الكابتن / احمد الكواري من دولة قطر الشقيقة الحمد الله على السلامة .

http://www.4nw.net/efi4500/trki/RED/rudbull7.jpg

http://www.4nw.net/efi4500/trki/RED/rudbull8.jpg (http://groups.yahoo.com/group/Nawaf_Beek)

صورة للجمهور ( المخرب ) وهو يمر أمام منطقة صعود المرهمات متجه للمنطقة الثانية من المرقى :

http://www.4nw.net/efi4500/trki/RED/rudbull9.jpg


منطقة كبار الشخصيات والإعلاميين اكتظت بالجمهور والهمجيين ( نسأل الله العافية ) :

http://www.4nw.net/efi4500/trki/RED/rudbull4.jpg (http://groups.yahoo.com/group/Nawaf_Beek)





كان هنا وجبات سريعة للبيع وسرعان ما هرب البائعون نتيجة المداهمة المفاجئة من الجمهور







كل واحد يقول نفسي نفسي .. حج يا حاج

http://www.4nw.net/efi4500/trki/RED/rudbull5.jpg










صورة لثلاجة تبع مشروب ريد بول التي تم كسرها واخذ مافيها من قبل الجمهور :

http://www.4nw.net/efi4500/trki/RED/rudbull6.jpg (http://groups.yahoo.com/group/Nawaf_Beek)


إضافات أخرى على الموضوع وعن الحالة هناك

قطع الطريق من الشمال الى اليمين







اخذ الاعلام بين المساريين
رمي المتسابقين بالقوارير وغيره
التهجم على المتسابقيين وكسر سياراتهم
سرقة طفايات الحريق تكسير الدفايات
تكسير الشبك والدخول بمسار المتسابقين
مضايقة المتسابقين برمي العلب عليهم مما ادى الى كسر زجاج المتسابق سالم الرويشد
الاطفال سببوا مشكله .. كل دقيقه يخرج لنا طفل ضائع !
استغلال المايكرفون للبحث عن الأصدقاء بإضافة كلمة طفل في البداية من اجل السخرية .

لا ادري هل يجدون متعه عند التخريب وإيذاء المتسابقين والحضور
وخاصة ممن حضروا من خارج الرياض خصيصا لهذه البطولة !!!
اللهم لا تؤاخذنا بما فعل السفهاء منا ..
ولكن قد يكون هذا درس .. بحيث تكون اولى الاهتمامات في المرات القادمة تكثيف وتواجد رجال الأمن
على حد الشبك حتى لايتجرا كائن بفعل هذه الأفعال .. وتخريب ..


هذا كل ما حصل في البطولة وإن شاء الله لا نرى بعد هذا اليوم بطولات بهذا الشكل المحزن
منقوووول

[علي العريفي]

لا حول لله
عشان يعرفون انه الجمهور هذا مش وجه مناسبات وسباقات
يقولون ليش مافيه مسابقات عالميه

بالله بالله تخيلو معي لو بيصير كاس العالم في السعوديه ايش راح يصير
ولا موتوجيبي وش بيسوون كان تلاقيهم يتطاردون جوا الحلبه

[DODE]

صراحه انا حضرت ونقهرت من جد

بس كلام الاخnaif صحيح 100% وانا حضرت العام كااان احسن بمليون مرررره

[الماستر]

وهذا الشي الي يخلي الحكومه ماتساعد بل وترفض التفكير في موضوع عمل التحديات بين الشباب والذي يجعل الحكومه ترفض عمل نوادي او اعطاء تصاريح للمتعه بهذه الرياضه الممتعه

لكن ايش تسوي الجهل ورانا ورانا

مشكور اخوي على نقل الخبر المحزن

[حمني]

الفنان steel


.............................

[حمني]

:


http://www.4nw.net/efi4500/trki/RED/rudbull9.jpg













هذولا شاقين الشعيب وتسمى أيضاً هذة الحركة بـ (معسبين)
:D :D :D
وشاقين الشعيب والمعسبين تطلق على الأشخاص الذين تجاوزت سرعتهم الـ70كم
:D :D :D

[طايرتن بوهتي]

الله يعافيهم ولا يبلانا..

[Baker]

لا تعليق ولكن اقول لاحول ولاقوة الا بلله

[BigFoot]

:fine: مشكووور يا مشعل على هالموضوووع الذي يعكس وبجديه حقيقه ما عليه شبابنا,,( أو ممكن نقدر نقوول فئه كبيره منهم )>>> وطبعاً فيه شباااب لو تحطهم على الجرح يبرى ( وهذول مثل كل أخوااني في هالمنتدى)

>>>>>>> معليش بأنقز شوي بعيد ,,لكن لا أزال في صلب الموضوع إللي هو شبابنا ...


بالله تخيلوووووو لو سمحو للنساااء بالقياااده ( وطبعاً أنا من المؤيدين لها) ,, كيييف رااح يكون الوضع مع الشباااب إللي زي كذاا؟؟؟ يعني يا بناات وياا حرييم ويا امهاات ويااا عمَات ويا خالااات وش تتوقعوا لو تعطلت سيارتكم لا سمح الله وكانت حولكم شرذمه أو شخص بنفس عقلية المتخلفين إللي فووق:( ... ما عندي تعلييق أكثر من كذاا

والله يصلح الحاااااااااااااااااااااااااااااااااااااااااا ال.

وآسف على الإطااله ,,, ومعكم الماايك::saudi:: .

[BigFoot]

وش عندك يا حمني ؟؟؟ >>>> لايكوون مو عاجبك هالإسم إللي هو سبب البلوه إللي أنا فيهاااااا:(

[رامي الزواوي]

لا حول ولا قوة الا بالله .. والله اخبار تزعل ،، والتنظيم كان لازم يكون صارم

ليه ما شفنا هذا الشغب في مناسبات اخرى كالجنادرية مثلا ؟؟ .. لأنه التنظيم اشد وخاصة مع هذه العينات من الناس .. الله يهديهم ويصلح بالهم ..

شكرا يا مشعل على النقل للخبر ،، والله يعطيك العافية ..

حبيبي احمد اشكرك على نقلك للتفاصيل بالصور مجهود تشكر عليه لتوضيح مالا يمكن تصديقه في بعض الاحيان .. لان اخبار زي كذا ما تبشر بالخير ابدا لاي مناسبات في المستقبل ..

تم دمج الموضوع تفاديا للبس وللتركيز على المشكلة

يعطيكم العافية جميعا .. تحياتي :)

[BIKER ONE]

والله الي صار يعور القلب، المفروض التحديات والبطولات مايعملونها الا في الشرقية والغربية، عندنا في الرياض مايصلح أشكال تسد النفس اليهود أحسن منهم، الغلط من المنسقين والمنظمين مهو من الجماهير، مشكور كبتن MARSHAL على طرح الموضوع.

[NEVER GIVE UP]

آآآآآآآآآآآآآه يا قلبي ..........





احد معاه جركل مليان بنزين ......؟؟؟؟



ما ابي ولااعة ... بس كبريت (عشان الفقيع).... الوصيه عند الكبتن لاني بروح اعدام فيهم ..:fire:

[NEVER GIVE UP]

http://www.sweetim.com/simiebar/content/emoticons/0002007D.gif (http://www.sweetim.com/defaultie.asp?ref=2)